დედაენის დღე

ლენტეხის წმინდა გიორგი მთაწმინდელის სახელობის გიმნაზიაში განსაკუთრებული პატივითა და საზეიმო განწყობით აღინიშნა ქართული ენის — დედაენის დღე.

ღონისძიებებისა და თემატური აქტივობების მთავარ მიზანს წარმოადგენდა მოზარდებში მშობლიური ენისადმი სიყვარულისა და პატივისცემის გაღვივება, ქართული დამწერლობის უნიკალურობის წარმოჩენა და იმ ისტორიული თარიღის მნიშვნელობის გააზრება, რომელიც სიმბოლურად აერთიანებს თაობებს ჩვენი იდენტობის სადარაჯოზე.

გიმნაზიის მოსწავლეებმა პედაგოგების ხელმძღვანელობით წარმოადგინეს შემოქმედებითი ნომრები, გააცოცხლეს ქართული კლასიკური პოეზიის ნიმუშები და კიდევ ერთხელ მიაგეს პატივი იაკობ გოგებაშვილის უკვდავ მემკვიდრეობას.

ადმინისტრაცია მადლობას უხდის თითოეულ მოსწავლესა და მასწავლებელს ამ მნიშვნელოვანი დღის მაღალ აკადემიურ დონეზე ორგანიზებისათვის. მშობლიური ენის სიწმინდისა და საგანძურის მოფრთხილება გიმნაზიის სასწავლო-აღმზრდელობითი პროცესის უმთავრეს პრიორიტეტს წარმოადგენს.