არქეოლოგიური პრაქტიკა მუაშის ტერიტორიაზე: ლენტეხის გიმნაზიის მოსწავლეები ნამდვილ აღმოჩენებთან ერთად

 საინტერესო ლექცია და საველე გაკვეთილი

საველე პრაქტიკის ფარგლებში, ისტორიის პედაგოგის, ინგა ონიანის ინიციატივითა და თხოვნით, არქეოლოგიური ექსპედიციის ხელმძღვანელმა, ზვიად კვიციანმა, მოსწავლეებისთვის საინფორმაციო ლექცია გამართა.

ექსპედიციის ხელმძღვანელმა და მისმა ასისტენტმა, ნიკოლოზ გაზდელიანმა, ახალგაზრდებს მოკლე რაკურსით გააცნეს:

• აღნიშნული არქეოლოგიური ძეგლის ისტორიული მნიშვნელობა;

• მიმდინარე კვლევის ძირითადი ეტაპები;

• საველე-არქეოლოგიური მუშაობის სპეციფიკა და წესები.

„მსგავსი პრაქტიკული აქტივობები მოსწავლეებს ეხმარებათ, თვალსაჩინოდ დაინახონ და შეეხონ საკუთარი კუთხის მდიდარ წარსულს, რაც კიდევ უფრო უღვივებს მათ ინტერესს საქართველოს ისტორიის მიმართ.“

საველე პრაქტიკა წარმატებით დასრულდა. გიმნაზია დიდ მადლობას უხდის არქეოლოგიურ ჯგუფს ხელმძღვანელობითა და მოსწავლეებისთვის გაზიარებული დაუვიწყარი გამოცდილებისთვის!